Да плюс 18 чакаецца ў Беларусі 22 красавіка

БЕЛТА

Да 18 градусаў цяпла чакаецца ў Беларусі 22 красавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду ўначы і раніцай будзе воблачна з праясненнямі, месцамі пройдуць невялікія дажджы. Удзень прагназуецца пераменная воблачнасць, пераважна без ападкаў. Вецер чакаецца паўночны 4-9 м/с, удзень у асобных раёнах парывы да 14 м/с.

Тэмпература паветра ўначы складзе ад плюс 1 да 6 градусаў, месцамі па поўдні краіны будзе ад 0 да мінус 2. Удзень будзе ад 10 да 16 градусаў цяпла, па паўднёвым захадзе - да плюс 17-18 градусаў.