З 1 сакавіка ў адпаведнасці з Указам Прэзідэнта нумар 24 "Аб павышэнні пенсій" павышаюцца ўсе віды працоўных пенсій: па ўзросце, за выслугу гадоў, па інваліднасці, па прычыне страты карміцеля - на 7 працэнтаў. Аб гэтым БЕЛТА паведамілі ў Міністэрстве працы і сацыяльнай абароны.

"У выніку павышэння сярэдні памер пенсіі па ўзросце непрацуючага пенсіянера ў сакавіку 2022 года складзе Br580 (уключаючы надбаўкі і даплаты) і павялічыцца на 13,2 працэнта адносна сакавіка мінулага года. Пенсіі па ўзросце з 1 сакавіка адносна лютага павялічацца ў сярэднім на Br34, тэмп росту - 106,3 працэнта", - адзначылі ў Мінпрацы і сацабароны.

Спецыялісты ўдакладнілі, што павелічэнне памеру пенсіі ў кожнага пенсіянера будзе сваё ў залежнасці ад працягласці стажу і заработку, улічаных пры вылічэнні яму пенсіі.

На павышэнне пенсій будзе накіравана Br75,7 млн у месяц, Br757 млн - да канца года. Такім чынам, у цэлым на выплату пенсій у 2022 годзе запланавана каля Br16,1 млрд.