Міністр сельскай гаспадаркі і харчавання Ігар Брыло ў эфіры тэлеканала АНТ расказаў, як бягучыя ўмовы надвор'я ўплываюць на ўраджай, паведамляе БЕЛТА.

Як падкрэсліў міністр, усе тэхналагічныя мерапрыемствы, якія трэба было зрабіць на палях, аграрыі зрабілі своечасова і ў тэрмін. "Трэба аддаць належнае нашым аграрыям, аддаць належнае Прэзідэнту і ўраду за тое, што своечасова была ажыццёўлена фінансавая дапамога. Гэта датычыцца паліва, на рамонт тэхнікі і гэтак далей", - падкрэсліў Ігар Брыло.

"Пасеялі ўсё своечасова, але спёка крыху выбівае з каляіны. І мы пачынаем крыху перажываць. Цяпер інтэнсіўна ўбіраем травы, каб нарыхтаваць паўнацэнныя кармы. Вялікую колькасць зямлі будзем перасяваць - гэта трэба зрабіць, таму што падгараюць пасевы. Будзем убіраць, будзем карміць, будзем чакаць дажджу, каб атрымаць другі ўкос траў", - сказаў міністр.

"Ёсць нюанс па надвор'і. Усе бачаць, колькі часу няма ў нас дажджу. Але тым не менш, думаю, з гэтай сітуацыі выйдзем дастойна", - рэзюмаваў ён.