"Прышпілі сябе і сваіх пасажыраў" - пад такім дэвізам Дзяржаўтаінспекцыя 28 ліпеня праводзіць Адзіны дзень бяспекі дарожнага руху. Ён накіраваны на прапаганду выкарыстання сродкаў пасіўнай бяспекі: рамянёў, шлемаў, дзіцячых утрымліваючых устройстваў. Аб гэтым БЕЛТА паведамілі ў ГУ ДАІ МУС.

Супрацоўнікі ДАІ ўзмоцняць кантроль за перавозкай непаўналетніх, наведаюць дзіцячыя лагеры, працоўныя калектывы, дзе раскажуць аб правілах паводзін на дарогах, прычынах і наступствах ДТЗ.

У ДАІ нагадалі, што атрымаць траўму або загінуць у аварыі ў першую чаргу рызыкуюць непрышпіленыя людзі, незалежна ад таго, сядзяць яны на пярэдніх або задніх сядзеннях аўтамабіля. Пры руху ж на матацыкле або мапедзе вадзіцель і пасажыр павінны быць у зашпіленым моташлеме.

Для перавозкі маленькіх пасажыраў неабходна выкарыстоўваць спецыяльнае дзіцячае аўтакрэсла. Дзяцей ва ўзросце ад 12 гадоў або ростам ад 150 см можна перавозіць без утрымліваючых устройстваў, але абавязкова прышпільваць стацыянарным рэменем бяспекі. "Невыкананне гэтых правіл з'яўляецца адной са спадарожных прычын высокай цяжкасці наступстваў ДТЗ", - дадалі ў ДАІ.