Аб'яўлены конкурс "100 маладых талентаў Нацыянальнай акадэміі навук Беларусі", паведамілі БЕЛТА ў прэс-службе НАН.

Конкурс праводзіцца для прыцягнення і замацавання таленавітай моладзі ў навуковай, навукова-тэхнічнай і інавацыйнай сферах, стварэння маладзёжных навукова-даследчых груп і амаладжэння кадравага складу навуковых арганізацый, а таксама для забеспячэння пераемнасці паміж вучонымі розных пакаленняў.

Да ўдзелу дапускаюцца працуючыя ў арганізацыях НАН Беларусі кандыдаты навук ва ўзросце да 35 гадоў і дактары навук ва ўзросце да 45 гадоў па стане на 1 студзеня 2024 года, якія атрымалі вучоную ступень да 30 і да 40 гадоў адпаведна. Лаўрэаты конкурсу ўключаюцца ў банк даных "100 маладых талентаў Нацыянальнай акадэміі навук Беларусі" і ў рэзерв кіруючых кадраў НАН. Акрамя таго, у перыяд знаходжання ў банку даных яны атрымліваюць штогадовы грант на ўдзел у міжнародным навуковым мерапрыемстве (канферэнцыі, сімпозіуме, навуковай школе, кароткатэрміновай стажыроўцы і г.д.).

Удзельнікам конкурсу неабходна зарэгістравацца, запоўніўшы анкету на сайце Акадэміі навук. Акрамя таго, да 30 кастрычніка 2023 года трэба накіраваць камплект дакументаў у конкурсныя камісіі пры аддзяленнях НАН Беларусі з улікам галіны (напрамку) навуковай дзейнасці.