Чаканыя дажджы ў большасці раёнаў Беларусі папоўняць колькасць вільгаці ў глебе, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"У большасці раёнаў паўднёвай паловы краіны і месцамі на паўночным захадзе Беларусі верхні 10-сантыметровы слой глебы слаба ўвільготнены, паводле даных асобных метэастанцый у Брэсцкай, Гомельскай і на поўдні Гродзенскай вобласці, - сухі. Пераважна ў паўночна-ўсходняй частцы краіны адзначаецца добрае ўвільгатненне верхняга слоя глебы, што спрыяльна для з'яўлення ўсходаў азімага рапсу і далейшага развіцця раслін. На назіраемых палях, засеяных да 20 жніўня, азімы рапс у асноўным узышоў, месцамі пачалося лістаўтварэнне", - расказалі ў Белгідрамеце.

Паводле інфармацыі аграметэаролагаў, у бліжэйшыя дні чаканыя дажджы ў большасці раёнаў папоўняць колькасць вільгаці ў глебе. Аграметэаралагічныя ўмовы для падрыхтоўкі глебы пад пасеў азімых збожжавых культур і развіцця крыжакветных культур палепшацца. Пры гэтым дажджы ўскладняць правядзенне ўборкі крупяных культур, завяршэнне ўборкі збожжавых каласавых культур.